Bernard Gonzalez, doktori i klubit Reims, në të cilin luan futbollisti i Përfaqësueses së Kosovës, Arbër Zeneli, është gjetur i vdekur në shtëpi ndërsa besohet se ka kryer vetëvrasje, sipas Le Parisien.
Gonzalez ka qenë i infektuar me koronavirus qe disa ditë, dhe ishte i karantinuar me gruan e tij në shtëpi, transmeton KOHA.
Vetëvrasja e tij, sipas Le Parisien, ndërlidhet drejtpërdrejt me koronavirusin.
Lajmin për vdekjen e tij, e ka konfirmuar edhe qyteti në të cilin ai jeton, Parisi.
Në klubin francez, Reims, luan edhe sulmuesi i Përfaqësueses së Kosovës, Arbër Zeneli.
Zeneli në llogarinë zyrtare të tij në Instagram, ka kujtuar mikun e tij, duke shkruar “prehu në paqe shoku im”.
{gallery}
