Federata e Futbollit të Kosovës ka vendosur që derbi i xhiros së 26-të në Superligën e Kosovës, mes Gjilanit dhe Dritës, të zhvillohet në stadiumin “Fadil Vokrri” në Prishtinë.
Takimi do të luhet në mbrëmjen e së dielës, më 7 prill.
Menjëherë pas këtij vendimi kanë reaguar tifozët e Prishtinës “Plisat”. Sipas “Plisave” stadiumi i përket vetëm Prishtinës dhe asnjë ekip tjetër nuk duhet të lejohet që të luajë në këtë stadium.
Reagimi i plotë i Plisave (pa ndërhyrje):
“Kryetari Agim Ademi paska marre vendim qe ndeshja Drita - Gjilani te luhet ne stadiumin e Prishtines!
Stadiumi i Prishtines, sipas Agim Ademit, mund te shnderrohet ne prone e cila leshohet per kedo qe deshiron te luaje ne fushe te mire!
Edhe
Drita synon t’i afrohet kreut, Gjilani kërkon shkëputjen
Nuk eshte faji i Prishtines qe qytetet tjera i kane stadiumet sikur ara patatesh.
Stadiumi i Prishtines eshte vetem per ndeshjet e Prishtines dhe Kosoves dhe asnje ekip tjeter nuk duhet te lejohet qe te vije ketu sepse pasojat po i bartim gjithmone vetem ne.
Poashtu, i bejme apel kryetarit te Komunes se Prishtines, Shpend Ahmetit, qe komuna se bashku me klubin e futbollit Prishtina, ta marrin ne menaxhim stadiumin e Prishtines e te mos mbetet ne meshire te dallavereve e manipulimeve te Ffk-se!”.
