Futbollisti kanadez, Alphonso Davies, shpreson në rikthim të shpejtë te Bayern Munichu pasi pati probleme me zemër.
“Jam i lumtur që jam kthyer, rikuperimi po shkon mirë. Nuk kam probleme me muskujt e zemrës, por ende nuk jam 100% i gatshëm për lojë. Jam shumë i lumtur që mund të stërvitem sërish dhe i gatshëm për punë”, ka thënë 21-vjeçari për faqen zyrtare të Bayernit.
Davies që luan në krahun e majtë të fushës ka munguar që prej fillimit të këtij viti për shkak të problemeve me muskujt e zemrës. Hera e fundit kur luajti ishte më 17 dhjetor kundër Wolfsburgut në fitoren 4:0.
Trajneri Julian Nagelsmann pret që ai të jetë i gatshëm për lojë në Ligën e Kampionëve në ndeshjen e dytë kundër Villarrealit më 12 prill.
