Dardan Cena ka pasur garë të suksesshme në European Open në Sofje të Bullgarisë. Cena megjithatë mbeti pa medalje. Në luftë për medalje të bronztë 19-vjeçarin e mposhti rumuni Luci Boris Dumitrescu.
Dumitrescu realizoi herët aksion për uazari dhe më pas kontrolloi luftën.
Vendi i pestë në kategorinë deri 73 kilogramë megjithatë vlerësohet sukses për Dardanin që po zhvillon garat e para te të rriturit.
Dardani në xhiron e parë ishte i lirë, ndërsa në të dytën e mposhti Petar Klikovacin e Malit të Zi. Në xhiron e tretë Cena e kaloi Arsen Avedisyanin e Armenisë. Në çerekfinale humbi nga rumuni Alexandru Raicu, që është bartësi i dytë.
Dardan Cena e kaloi rumunin tjetër, Adrian Sulca, në raundin e parë të repesazhit. Ai është ish-kampion botëror dhe evropian për të rinjë.
Edhe
Akil Gjakova i pesti në Evropë
Debora Gjakova u ndal në raundin e parë në kategorinë deri 63 kg. Për Deborën aktualisht është e rëndësishme të marr përvojë.
Të dielën në Sofje garon Shpati Zekaj.
