Chelsea po lutet që sezoni të përfundojë sa më shpejt.
Për ndeshjen e gjashtë radhazi në të gjitha garat, Blutë s’kanë arritur të fitojnë. Të shtunën u mposhten nga Brightoni 2:1 në “Stamford Bridge”.
Chelsea kaloi e para në epërsi me Conor Gallagherin në minutën e 13-të.
Por Brightoni përmbysi gjithçka. Fillimisht me Danny Welbeckun në të 42-n, e më pas me një supergol të Julio Encisos në të 70-n.
Chelsea është në pozitën e 11-të me 39 pikë, larg pritshmërive. Brightoni është i shtati me 49 pikë.
