Chelsea nuk do ta shesë sulmuesin Armando Broja këtë verë, raporton “Daily Mail” të dielën.
West Ham Unitedi raportohet se ishte gati ta transferonte sulmuesin 20-vjeçar këtë verë, por te Chelsea mendojnë se Broja mund të bëhet lojtar i ekipit të parë dhe kanë vendosur të mos e shesë kartonin e sulmuesit shqiptar.
Megjithatë, Chelsea do ta huazojë Brojën te West Hami deri në fund të sezonit. Sulmuesi i Shqipërisë u huazua nga Chelsea sezonin e kaluar te Southamptoni, skuadër ku tregoi paraqitje të mira në Premier League. Me fanellën e Southamptonit, Broja shënoi nëntë gola dhe asistoi një herë në 38 paraqitje në të gjitha garat. Ai me Chelsean ka kontratë deri në verën e vitit 2026.
