Transferimi i Erling Haalandin te Chelsea duket mision i pamundur. “Sky Sports” pretendon se përpjekjet e klubit anglez pritet të dështojnë për shkak se Dortmundi nuk e ka ndërmend ta lejojë largimin e norvegjezit.
Madje, klubi gjerman është i gatshëm të refuzojë edhe ndonjë ofertë të lartë, pasi synon që ta ketë Haalandin në skuadër për sezonin e ri.
Vlera aktuale e norvegjezit vlerësohet rreth 130 milionë euro. 20-vjeçari ka shkëlqyer në edicionin e fundit me skuadrën gjermane duke shënuar 41 gola dhe ka bërë edhe 12 asistime në 41 ndeshje. Kontrata me Dortmundin, Haalandit i skadon në verën e vitit 2024.
