Bunjakun nuk e kënaq shumë statistika që e kanë arritur vetëm pesë lojtarë në botë

Plejmejkeri i Z Mobile Prishtinës, Valon Bunjaku, fundjavën që shkoi regjistroi statistika të rralla, të tilla sa që të dhënat në internet tregojnë se këtë e kanë arritur vetëm pesë basketbollistë në botë deri më tash. Por kjo statistikë mbeti në hije të rivalit, ndaj të cilit e realizoi.

Bunjaku realizoi dyshifror të katërfishtë (Quadruple-double) në fitoren e thellë të skuadrës së tij ndaj skuadrës më të dobët në Superligë, AFK Boreas së Pejës, shkruan Koha Ditore.

Prishtina ndonëse pa lojtarët më të mirë fitoi 140:52 të dielën në Pejë.

Bunjaku luajti tërë ndeshen dhe në fund të dhënat e tij ishin këto: 21 pikë, 21 asistime, 12 kërcime dhe 12 topa të vjedhur.

Me këtë fitore, Prishtina vazhdoi dominimin në Superligë, duke mbetur skuadra e vetme pa humbje.

“Nuk e kam paramenduar një statistikë të tillë asnjëherë. Thjesht kam dashur të jap më të mirën nga vetja dhe ta ndihmoj ekipin që të fitojë. Megjithatë, është një statistikë shumë e mirëseardhur për mua", shprehet Bunjaku, i cili para një viti pikërisht kundër Boreas pati regjistruar "triple-doublen" e parë në karrierë... (Më gjerësisht lexoni në Koha Ditore)