Ngasësi i Mercedesit, Valtteri Bottas, e ka fituar Çmimin e Madh të Turqisë.
Ishte triumfi i parë për të në këtë sezon.
Bottas të dielën ishte më i shpejti, ndërsa pas tij përfundoi Max Verstappen i ekipit të Red Bullit. Verstappen arriti që ta rifitojë pozitën e parë në renditjen e përgjithshme të Formula 1 dhe e kaloi rivalin Lewis Hamilton.
Sergio Perez pati paraqitje të shkëlqyer në pistë për Red Bullin po ashtu dhe përfundoi i treti.
Verstappen tani në krye të tabelës së ngasësve prinë me gjashtë pikë më shumë se vozitësi i Mercedesit kur kanë mbetur edhe gjashtë gara deri në fund që mbyllet me garën e Abu Dhabit.
Kampioni në fuqi, Hamilton, humbi pikë të vlefshme dhe u rendit i pesti për shkak të vonesës në ndërrimin e gomave, pavarësisht se i thoshte ekipit se dëshironte të qëndronte në pistë derisa ishte i treti.
