Boksieri shqiptar me shtetësi kroate Agron Smakiqi është “fajtori” që u shty meçi i shumëpritur për titullin e kampionit të padiskutueshëm në kategorinë e rëndë mes Tyson Furyt e Oleksandr Usykut.
Meçi për katër titujt më të mëdhenj të boksit profesionist (WBC, WBA, IBF dhe WBO) ishte paraparë të mbahej më 17 shkurt në Riad të Arabisë Saudite, por u shty shkaku i një lëndimi të Furyt mbi syrin e djathtë. Lëndimin Fury e mori pikërisht gjatë sparringut me Smakiqin.
Madje është publikuar edhe një video ku shihet Smakiqi duke e goditur Furyn. Duket sikur ai po e godet kampionin e versionit WBC me bërryl.
“Ndodhi në mëngjes në sparring me boksierin kroat që e zuri me bërryl”, ka thënë promotori i Furyt, Frank Warren në fundjavë.
Smakiqi në boksin profesionist ka 20 fitore e dy humbje, ndërsa ai kishte boksuar për titull të Evropës në mars të vitit të kaluar, kur u mposht nga turku me shtetësi gjermane Agit Kabayel.
Edhe
Smakiqi: Tyson Furyn e godita, jam nga Kosova dhe pres një luftë të madhe
Smakiqi duke folur për “Boxing Talk”, ka thënë se nuk ndihet keq për situatën.
“Ishte një goditje e pastër, kështu që nuk ndihem keq”, tha Smakiqi.
Smakiqi i ishte shtuar partnerëve të sparingut të Furyt, në mesin e të cilëve ishin Jai Opetaia dhe britaniku Moses Itauma.
Smakiqi më herët kishte bërë sparing edhe me Anthony Joshuan.
Furyt është thënë se i duhen së paku 90 ditë për t’u rikuperuar.
Është caktuar tashmë data e re për duelin mes Furyt e Usukyt. Do të mbahet më 18 maj në Riad të Arabisë Saudite.
Edhe
Smakiqi dyshon që Fury do të pensionohet
‼️ Footage has now emerged appearing to show the moment Tyson Fury was cut by an ELBOW in sparring, causing the Oleksandr Usyk fight to be postponed… pic.twitter.com/dDy3e0Cv4o
— Michael Benson (@MichaelBensonn) February 2, 2024
