Mesfushori nga Podujeva, Besar Musolli, e ka vazhduar kontratën me Gjilanin.
Lajmi është bërë i ditur nga faqja zyrtare e Gjilanit në “Facebook”.
Musolli ka nënshkruar me klubin nga Anamorava deri në vitin 2024.
“Sport Club Gjilani njofton se ka arritur të vazhdojë marrëveshjen e bashkëpunimit me Besar Musollin edhe për tri edicionet e radhës. Klubi e falënderon Besarin për besimin dhe i uron suksese drejt realizimit të objektivave që janë vendosur”, shkruan në njoftimin e Gjilanit.
Musolli erdhi te Gjilani në verën e vitit të kaluar pasi kishte përfunduar aventurën e tij të gjatë te Kukësi.
32-vjeçari e ka veshur edhe fanellën e Hysit.
