Besar Beqiri dhe Besart Ismajli do të udhëtojnë të dielën për në Slloveni, për të ndarë drejtësi në një ndeshje parakualifikuese për Kampionatin Evropian të futsallit, “Euro 2022”.
Dyshja Beqiri e Ismajli janë të deleguar për duelin Sllovenia – Letonia, që zhvillohet të hënën nga ora 18:30.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoËshtë duel i rëndësishëm që siguron një vend në Evropianin e vitit të ardhshëm që mbahet në Amsterdam e Groningen të Holandës, nga 19 janari deri më 6 shkurt 2022.
“Një muaj më herët ishim në ndeshjen Polonia-Norvegjia. Pas paraqitjeve të mira dhe ngritjes në listë, pra nga e treta në të dytën, vijnë ndeshjet më të rëndësishme siç janë kualifikimet për Evropian. Ngritja në listë është si rezultat i paraqitjeve të mira në ndarjen e drejtësisë në ndeshjet e Ligës së Kampionëve”, ka thënë të shtunën për KOHËN gjyqtari i futsallit, Besar Beqiri, që më parë kishte ndarë drejtësi në ndeshjet preliminare të “Championsit”, njësoj si Ismajli.
Si gjyqtarë i parë e i dytë, Beqiri e Ismajli ishin deleguar edhe muajin e kaluar. Që të dy janë gjyqtarë me stemë të FIFA-s.