Mesfushori Valon Behrami pritet të kthehet tek Udinese, prej të cilit ekip u largua para fillimit të këtij edicioni.
Mediumet italiane kanë raportuar të martën se Behrami ka gjasa të mëdha që në janar të kthehet tek Udinese, pasi ekipi nga Serie A i ka bërë gati kontratë për gjashtë muaj, me mundësi vazhdimi edhe për një edicion tjetër.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoBehrami edicionin e shkuar ishte pjesë e Udineses, ku edhe barti shiritin e kapitenit, kurse aktualisht është futbollist i lirë, pasi shkëputi kontratën me skuadrën e Sionit, për të cilin ekip këtë edicion pati vetëm pesë paraqitje në total, shkruan Koha Ditore. Behrami tek Udinese shihet si përforcim i duhur, pasi skuadra ka pasur rezultate të dobëta, ka tubuar 14 pikë pas 13 xhirove të luajtura.
Behrami 34-vjeçar, karrierë në Itali ka bërë edhe te Napoli, Fiorentina, Lazio, Genoa e Verona, kurse në Serie A ka 206 ndeshje të zhvilluara. Ai ka qenë edhe pjesë e skuadrave si Watford, Hamburg, West Ham United e Lugano.
Behrami ka edhe 83 ndeshje të zhvilluara me Përfaqësuesen e Zvicrës, pjesë e së cilës nuk është më.