Skuadra e Ballkanit ka kaluar në epërsi në Podujevë kundër Llapit.
Golin e epërsisë për liderin e Superligës së Kosovës në futboll e shënoi Ermal Krasniqi në minutën e 15-të.
Krasniqi shënoi nga afërsia pas topit të kthyer nga portieri i Llapit, Ilir Avdyli. Avdyli nuk ndali gjuajtjen e Meriton Korenicës nga afërsia e 16-të metërshit.
Kjo ndeshje i takon javës së 32-të dhe është duke u zhvilluar në stadiumin “Zahir Pajaziti” në Podujevë.
Në rast të fitores, Ballkani do ta festonte për herë të parë titullin e kampionit në futbollin kosovar.
