Sulmuesi nga Kosova, Fisnik Asllani, të shtunën mund ta ketë një prej ditëve më të lumtura në karrierë si futbollist.
Sulmuesi 19-vjeçar do të jetë në bankën rezervë në duelin e vështirë kundër Leipzigut në Bundesligë.
Për Asllanin që iu bashkua të rinjve të Hoffenheimit në verën e vitit të kaluar, do të ishte debutim në Bundesligën gjermane.
Burime të Sportit në KTV kanë mësuar se ai ka udhëtuar me ekipin e parë të Hoffenheimit dhe do të jetë në bankën e rezervistëve.
Asllani me ekipin e parë të Hoffenheimit ka luajtur në miqësore, por jo në ndeshje zyrtare.
