Chelsea ka kompletuar transferimin e brazilianit Angelo Gabriel. Sulmuesi i krahut ka kaluar te klubi londinez nga Santosi.
Gabriel është 18-vjeçar, ndërsa luan për U20 të Brazilit. Është raportuar se Chelsea ka paguar 15 milionë euro për talentin brazilian.
Ai tashmë i ka 129 paraqitje për ekipin e parë të Santosit. Majtaku kishte debutuar në kampionatin brazilian me 15 vjet e 308 ditë.
Në prill të vitit 2021 kishte shënuar golin e parë te të rriturit. Për Santosin i ka shënuar edhe katër gola të tjerë, ndërsa ka bërë dhjetë asistime.
