Xabi Alonso është kandidat i preferuar për të zëvendësuar Thomas Tuchelin si trajner i Bayernit në verë. Sipas informacioneve të Sky Sports Germany, bisedat fillestare tashmë janë zhvilluar. Sipas mediumit të fuqishëm, ka sinjale pozitive.
Alonso po e udhëheq Bayer Leverkusenin drejt titullit të kampionit. Leverkuseni po i jep fund dominimit të Bayernit në Bundesligë, por mund të mbetet pa arkitektin e suksesit.
Trajneri aktual i Bayernit, Thomas Tuchel tashmë ka njoftuar se do të largohet në fund të edicionit.
Alonso ka kontratë me Leverkusenin dhe angazhimi i tij mund t’i kushtojë Bayernit prej 15 deri në 25 milionë euro, varësisht se sa i suksesshëm është Bayer Leverkuseni.
Alonso në fakt nuk ka vendosur ende nëse do t’i bashkohet Bayernit, por sipas Sky, një lëvizje është e mundshme.
