Sport

Trepça fiton edhe derbin ndaj Prishtinës

 

Pasi e fitoi thellë derbin me Pejën, skuadra e Trepçës ka triumfuar bindshëm edhe në ndeshjen ndaj Sigal Prishtinës.

Trepça e mposhti Prishtinën në ndeshjen e mbetur të xhiros së nëntë të Superligës së Kosovës në basketboll, të zhvilluar të mërkurën mbrëma në kryeqytet. Për dallim prej Pejës, të cilën e mposhti me 20 pikë epërsi, Trepça triumfoi ndaj Prishtinës me dhjetë pikë dallim. Dueli i luajtur në palestrën “1 Tetori” në Prishtinë u mbyll me shifrat 76:66 në favor të ekipit nga Mitrovica.