Mesfushori Luis Alberto ka firmosur kontratë të re katërvjeçare me Lazion, ka njoftuar klubi italian. Me kontratën e re, spanjolli do të jetë pjesë e Lazios deri në verën e vitit 2027.
Alberto vitet e fundit është njëri prej lojtarëve më të dalluar te Lazio dhe ka thënë se ndihet shumë i lumtur që ka vazhduar bashkëpunimin me ekipin nga Serie A.
Këtë edicion, Alberto ka qenë i pazëvendësueshëm te Lazio, duke luajtur 720 minuta, ku ka shënuar 2 gola dhe ka bërë po aq asistime.
31-vjeçari është pjesë e Lazios prej vitit 2016, ndërsa me këtë skuadër ka fituar 1 kupë dhe 2 Superkupa të Italisë.
Para se t’i bashkohej Lazios, Alberto karrierë ka bërë edhe te Liverpooli, Deportivo La Coruna, Malaga e Sevilla.
