Arsenali ka kaluar në raundin e katërt të Kupës EFL, falë një goli të shënuar nga Reiss Nelson.
Nelson realizoi në minutën e tetë të ndeshjes që Arsenali e fitoi në udhëtim te Brentfordi.
Portieri i Shqipërisë, Thomas Strakosha, ishte në bankën rezervë te skuadra vendëse.
Tek Arsenali në formacionin titullar u kthye portieri Aaron Ramsdale, që u shqua me disa pritje në pjesën e dytë.
Arsenali mbetet pa disfatë në tetë ndeshjet e para të këtij sezoni.
