Chelsea me ofertë për Mamardashvilin

Skuadra e Chelseat po përgatit ofertën për portierin e Valencias, gjeorgjianin Giorgi Mamardashvili.

Lajmi është bërë i ditur të martën nga e përditshmja spanjolle “AS”. Mësohet se Chelsea po synon transferimin e 22-vjeçarit në afatin kalimtar të janarit dhe për kartonin e tij ka bërë gati rreth 50 milionë euro. Mamardashvili vlerësohet ndër portierët më të mirë në La Liga dhe është pjesë e Valencias prej vitit 2021.