Vedat Muriqi ka arritur në shifrën e 13 golave në këtë edicion të La Ligas spanjolle. Sulmuesi i Kosovës shënoi gol të enjten mbrëma në ndeshjen e Mallorcas ndaj Gironas. Ndeshja u fitua nga Girona, që ishte vendase, me rezultatin 2:1.
Bernardo kaloi në epërsi Gironan në minutat shtesë të pjesës së parë. Në pjesën e dytë Muriqit fillimisht një gol nuk iu pranua për pozitë jashtë loje. Më pas prizrenasi nxori penallti dhe mori përgjegjësinë për të gjuajtur nga pika e bardhë. Ishte i saktë në minutën e 80-të, kur realizoi për 1:1.
Por në minutën e 84-t, Valentin Castellanor shënoi golin e fitores 2:1 të Gironas. Në 30 paraqitje kampionale, Muriqi ka edhe tri asistime.
Me fitore, Girona i ka 47 pikë në pozitën e shtatë. Mallorca mbetet e 12-ta me 41 pikë. Ndeshja e së enjtes i takoi xhiros së 33-të të kampionatit spanjoll.
21:10
Muriqi nxjerr penallti dhe e shndërron në gol
Vedat Muriqi nuk po ka të ndaluar.
Në ndeshjen e Mallorcas ndaj Gironas, sulmuesi kosovar nxori penallti dhe e shndërroi atë në gol. Ai realizoi për 1:1 në minutën e 78-të.
Muriqi ka 13 gola në La Liga.
20:52
Muriqi shënon gol, por nga pozita jashtë loje
Vedat Muriqi ka dërguar topin në rrjetë në ndeshjen ndaj Gironas. Në minutën e 58-të, Muriqi mori top në zonë dhe goditi saktë. Por arbitri dha shenjë për ofsajd.
Situata u shikua në VAR dhe vendimi mbeti në fuqi.
