Mbrojtësi i Chelseat, Reece James do t’i mungojë Anglisë në ndeshjen kualifikuese për “Euro 2024” kundër Ukrainës në “Wembley” të dielën, për shkak të lëndimit.
23-vjeçari është kthyer te klubi i Premier Leagues, ndërsa Federata e Futbollit të Anglisë ka thënë se është një “vlerësim i një çështjeje në vazhdim”.
Jamesi hyri në lojë në minutën e 85-të në vend të Bukayo Sakas në fitoren 2:1 të Anglisë ndaj Italisë të enjten në Napoli.
Përzgjedhësi Gareth Southgate ka vendosur që të mos e ftojë dikë tjetër në vend të tij.
Jamesi mungoi në vitin e kaluar në Kupë të Botës për shkak të lëndimit në gju dhe mori tjetër lëndim në gju në muajin dhjetor që e la atë jashtë fushës për një muaj.
