Zvicra ka mbetur pa një tjetër lojtar të rëndësishëm në prag të ndeshjes në Novi-Sad të Serbisë me Bjellorusinë.
Të enjten është bërë e ditur se sulmuesi Breel Embolo është larguar nga kampi i përfaqësueses në Basel për shkak të problemeve në gju. Ai është kthyer te Monaco dhe mungon në ndeshjen me Bjellorusinë.
Nuk është ftuar ndonjë lojtar në vend të Embolos dhe për në Novi Sad udhëtojnë 23 futbollistë të Zvicrës.
Zvicra ka shumë lojtarë të lënduar aktualisht. Ndër të tjera për shkak të lëndimeve mungojnë edhe Xherdan Shaqiri e Andi Zeqiri.
