Manchester Unitedi është i vendosur për ta transferuar mesfushorin Eduardo Camavinga në fund të këtij sezoni, raporton “Sky Sports” të martën. Ekipi anglez nuk po heq dorë nga francezi, ndërsa më herët është refuzuar nga Real Madridi.
Mësohet se këtë herë Unitedi është gati të ofrojë deri në 150 milionë euro për ta bindur Realin në lirimin e tij. 20-vjeçari është në negociata me Realin për rinovimin e kontratës që i skadon në vitin 2027, por ende nuk e ka pranuar ofertën e ekipit spanjoll.
Këtë sezon Camavinga është stabilizuar te Reali, ku ka bërë një asistim në 42 ndeshje të luajtura në të gjitha garat. Ai është pjesë e Realit prej vitit 2021, ndërsa më herët ka luajtur në Francë te skuadra e Rennesit.
