Marcus Rashford ka shënuar edhe golin e gjashtë në Ligën e Evropës këtë edicion.
Sulmuesi anglez të enjten mbrëma e realizoi golin e vetëm në fitoren 1:0 të Manchester Unitedit në udhëtim te Real Betisi.
Ishte ndeshja kthyese e 1/8 së finales së Ligës së Evropës dhe me rezultatin e përgjithshëm 5:1, Unitedi kalon në çerekfinale të garës.
Rashfordi shënoi në minutën e 55-të me një gjuajtje të fuqishme nga distanca.
Shorti për çerekfinalet e Ligës së Evropës do të tërhiqet të premten në Nyon të Zvicrës.
Çerekfinalet luhen më 13 dhe 20 prill, gjysmëfinalet më 11 dhe 18 maj, ndërsa finalja është caktuar të luhet më 31 maj në “Pushkash Arena” në Budapest të Hungarisë.
© KOHA. Të gjitha të drejtat janë të rezervuara.
