Real Madridi ka shprehur interesim për sulmuesin Karim Adeyemi, raporton “Marca” të enjten. Bëhet e ditur se te Reali po e shohin Adeyemin si përforcim të duhur dhe sulmues që mund ta ndihmojë shumë Karim Benzeman në sezonin e ardhshëm.
Për transferimin e 21-vjeçarit në verë, Reali është i gatshëm të ofrojë deri në 40 milionë euro.
Adeyemi në verën e vitit të shkuar iu bashkua Dortmundit nga Salzburgu, si dhe është reprezentues i Përfaqësueses së Gjermanisë. Këtë sezon, ai ka shënuar tri gola në të gjitha garat për Dortmundin, ekip me të cilin ka kontratë deri në vitin 2027.
