Volejboll, në Prishtinë do të luhen ndeshjet e fazës së dytë kualifikueses për Evropianin U17
Konfederata Evropiane e Volejbollit (CEV) ka përcaktuar që ndeshjet e raundit të dytë kualifikues për Evropiane U17 te vajzat të luhen në Prishtinë. Turneu i grupit ku bën pjesë Kosova do të luhet prej 21 deri më 23 prill.
Kosova është në grup me Ukrainën, Belgjikën dhe Estoninë.
Kosova U17 arriti në fazën e dytë pasi u rendit e pesta në fazën e parë. FVK-ja vetëm pas përfundimit të garës njoftoi që edhe vendi i pestë mjaftonte për të kaluar tutje në fazën e dytë.
Në Ankara të Turqisë, Kosova kishte humbur dy ndeshjet e para, ndërsa më pas rreshtoi tri fitore, një në grup e dy për plasman.
