Vedat Muriqi e ka zhvilluar ndeshjen e 16-të në elitën e futbollit të Spanjës këtë edicion.
Muriqi me Mallorcan ka realizuar nëntë gola e dy asistime në 18 ndeshje në të gjitha garat në edicionin aktual.
Sulmuesi i Kosovës nuk shënoi të premten mbrëma për Mallorcan, që mposhti Celta Vigon me rezultatin 1:0.
Ai luajti deri në minutën e 85-të, ndërsa golin e fitores Mallorca e shënoi në minutën e 59-të nëpërmjet Daniel Rodriguezit.
Ishte ndeshje e xhiros së 18-të të La Ligas.
Mallorca ka 25 pikë nga 18 ndeshje, ndërsa Celta Vigo ka 17 pikë në vendin e 16-të. Mallorca është e dhjeta.
© KOHA. Të gjitha të drejtat janë të rezervuara.
