Portieri i Kroacisë, Dominik Livakoviq, është shprehuar shumë i lumtur për kalimin në çerekfinale.
Livakoviq ndali tri prej katër goditjeve të Japonisë në serinë e penalltive.
“Ndjenja është shumë e mirë, fillimisht për shkak të ekipit pasi atmosfera është e shkëlqyer. I falënderoj tifozët që kanë ardhur. Japonezët kanë bërë presing të nivelit të lartë në fillim të ndeshjes. Kemi luajtur ndeshje të vështirë, kundërshtari ishte shumë i përgatitur. Por edhe ne jemi. Kemi fituar kur ishte më së vështiri. Kjo është ndeshja më e mirë në jetën time dhe momentet më të dashura në karrierë”, ka thënë Livakoviq. Ai është hero i ri i kroatëve.
© KOHA. Të gjitha të drejtat janë të rezervuara.
