Sport

Anglia, gati për duelin me Senegalin

FOTO: AP
 

Përzgjedhësi i Anglisë, Gareth Southgate, ka thënë se skuadra e tij është e përgatitur “mentalisht dhe fizikisht” për penallti, nëse ndeshja me Senegalin do të vendoset pas lojës së rregullt dhe vazhdimeve. Anglia luan kundër Senegalit të dielën në orën 20:00, në stadiumin “Al Bayt”.

Anglezët janë përfshirë në tri raste të ekzekutimeve të penalltive qëkur Southgate mori drejtimin e skuadrës në vitin 2016. Mposhtën Kolumbinë në vitin 2018 në Rusi dhe Zvicrën në Ligën e Kombeve më vonë gjatë atij viti. Me penallti e humbi finalen e Kampionatit Evropian ndaj Italisë në verën e vitit të shkuar.