Basketbollisti Brian Fitzpatrick më nuk është pjesë e skuadrës së Bashkimit. Ekipi nga Prizreni ka njoftuar të martën se ka shkëputur kontratën me Fitzpatrickun me marrëveshje të dyanshme.
Klubi, po ashtu e ka falënderuar lojtarin në fjalë për kontributin që e ka dhënë gjatë kësaj periudhe dhe i ka dëshiruar suksese në karrierë.
Fitzpatrick (202 cm) iu bashkua Bashkimit para fillimit të këtij sezoni, por nuk bindi me paraqitjet e tij tek ekipi prizrenas.
Në nëntë paraqitje në Superligën e Kosovës, Fitzpatrick ka luajtur me një mesatare prej 2.5 pikëve dhe po aq kërcimeve për ndeshje.
