Polonia nuk ka arritur më shumë se një barazim në ndeshjen e saj të parë të Grupit C në Kupën e Botës. Polonia ka luajtur pa gola kundër Meksikës, ndonëse ka mundur të shënojë fitore sikur kapiteni Robert Lewandowski mos të dështonte nga penalltia.
Gjuajtjen e Lewandowskit në minutën e 58-të, e priti portieri i Meksikës, Guillermo Ochoa. Për Ochoan, ky është Botërori i pestë. Ndërkohë, për Lewandowskin, kjo ishte ndeshja e katërt në Kupën e Botës që ende nuk ka shënuar gol.
Para katër vjetësh në Rusi, në turneun e tij të parë, ai pati tri gjuajtje në total në tri ndeshje të fazës së grupeve, por nuk shënoi gol dhe Polonia u eliminua.
Në fakt, ky ishte edhe rasti më i mirë në duelin mes Meksikës dhe Polonisë. Tri gjuajtje i pati Meksika, karshi dy të Polonisë.
Si Polonia ashtu edhe Meksika me këtë barazim kanë rritur gjasat për të avancuar nga grupi, sidomos pas humbjes së Argjentinës nga Arabia Saudite.
Duelin e radhës, Polonia e luan të shtunën kundër Arabisë Saudite derisa Meksika përballet me Argjentinën.
Njëri prej sulmuesve më të mirë në botë, Robert Lewandowski assesi të shënoi në Kupën e Botës.
Lewandowski të martën fitoi penallti ndaj Meksikës, por dështoi nga pika e bardhë. Goditjen e tij e ndali portieri i Meksikës, Guillermo Ochoa.
Lewa ende nuk ka shënuar në Kupë të Botës.
Kliko KËTU për ta parë penalltinë
Ka përfunduar pjesa e parë ndërmjet Polonisë dhe Meksikës, ndeshje kjo që i takon Grupit C të Botërorit “Katari 2022”.
Pas 45 minutave të parë, rezultati është 0:0.
Përfaqësuesja e Meksikës është treguar më kërkuese se Polonia gjatë pjesës së parë, e cila nuk ka regjistruar asnjë gjuajtje të vetme.
Po ashtu, Meksika ka pasur edhe posedimin e topit ndaj Polonisë, që nuk tregoi ndonjë lojë të mirë.
Ka filluar ndeshja e Grupit C të Botërorit “Katar 2022” mes Meksikës dhe Polonisë.
Ndeshja po luhet në stadiumin 974 në Doha.
Në ndeshjen tjetër të këtij grupi sot Argjentina u shtang nga Arabia Saudite. U mposht 2:1.
© KOHA. Të gjitha të drejtat janë të rezervuara.
