Skuadra e Ferizajt është eliminuar nga Kupa e Kosovës në futboll edhe pse e kishte fituar ndeshjen kundër FK Beharit në kuadër të 1/16 të finales.
Javën e shkuar, Ferizaj kishte triumfuar me shifrat 3:2, por pas ndeshjes, Behari ishte ankuar se një futbollist i ekipit kundërshtar nuk kishte të drejtën e lojës.
Kështu që, Komisioni i Garave ka miratuar kërkesën e FK Beharit dhe e ka regjistruar ndeshjen ndaj Ferizajt me rezultatin zyrtar (3:0).
Në arsyetimin e Komisionit të Garave, thuhet se futbollisti Edon Sadriu nuk ka pasur të drejtën e lojës për shkak se paraprakisht ishte ndëshkuar me dy kartonë të verdhë.
