Përzgjedhësi i Holandës, Louis van Gaal, ishte më i sjellshëm të mërkurën në lidhje me mikpritësin e Kupës së Botës, megjithëse ai ende ofroi mbështetje për tifozët holandezë që po bojkotojnë Katarin. Në konferencën e tij të parë për shtyp që nga mbërritja në Katar, trajneri veteran u pyet për komentin e tij të famshëm që zgjidhte Katarin për organizimin e Kampionatit Botëror në emër të zhvillimit të lojës së futbollit.
Ai ende insistoi se Katari mbetet i vogël për organizimin e turneut të madh të Botërorit. Nën drejtimin e Van Gaalit, Holanda arriti në gjysmëfinalen e Botërorit të vitit 2014 që u mbajt në Brazil. Ndërsa kjo në Katar është periudha e tretë në krye të Holandës.
“Unë mendoj se ju duhet të luani në vendet e futbollit me më shumë përvojë në çdo aspekt, por gjithashtu ta stimuloni atë vend në një mënyrë tjetër, se ata janë në rrugën e duhur”, tha Van Gaal të mërkurën. “Dhe ky është gjithashtu një vend i vogël tani. Familja dhe miqtë e mi kanë shumë vështirësi për të gjetur një vend për të qëndruar”, tha Van Gaal, i cili udhëhoqi holandezët në gjysmëfinalen e Kupës së Botës 2014 në Brazil në të dytën nga tre periudhat e tij në punë.
Katari ka qenë në një punë masive ndërtimi qëkur zyrtarët e FIFA-s votuan për organizimin e Kupës së Botës 12 vjet më parë dhe trajtimi i punëtorëve emigrantë me pagë të ulët është kritikuar gjerësisht.
Federata e Futbollit të Holandës drejton gjithashtu projektin kundër diskriminimit “One Love” i mbështetur nga shumica e përfaqësueseve evropiane në Katar. Kapitenët e tyre janë zotuar të mbajnë shirita me një logo në formë zemre, me shumë ngjyra, duke tërhequr vëmendjen ndaj ligjit të Katarit për trajtimin e personave LGBTQ. Van Gaal tha se ai mbështet tifozët që vendosën të mos udhëtonin në Katar për shkak të çështjeve të të drejtave.
“Sepse ata besojnë në këtë dhe duhet ta bëjnë këtë. Pra, nuk ka problem me këtë”, tha 71-vjeçari ish-trajneri i Ajaxit, Barcelonas, Bayern Munichut dhe Manchester Unitedit. “Shpresoj që ne të luajmë në mënyrën më të mirë të mundshme, qëkur të luajmë finalen, ata do të shikojnë në televizion se sa të mirë jemi”.
Van Gaal vlerësoi cilësinë e përgatitjes për skuadrën e tij që nis të hënën kundër Senegalit. Grupi A përfshin gjithashtu Katarin dhe Ekuadorin.
“Organizimi dhe fushat dhe gjithçka, objektet - këto janë shumë të mira”, tha ai.
