Liga e Konferencës: Ballkani me fitore historike në Turqi

Ballkani i Suharekës vazhdon të prek nivele të reja, gjithnjë e më të larta. Kampioni i Kosovës në futboll të enjten mbrëma ka shënuar edhe një tjetër sukses historik. Ballkani bëhet skuadra e parë kosovare që fiton ndeshje në fazën grupore të kupave evropiane.

Në Sivas të Turqisë, Ballkani ka fituar 4:3 ndaj skuadrës vendase, Sivasspor.

Ndeshja i ka takuar grupit G të Ligës së Konferencës dhe ishte skajshmërisht dramatike.

Ballkani ka shënuar fitoren e madhe, ndonëse ndeshjen e nisi në mënyrën më të keqe të mundshme.

Pas vetëm 32 sekondave, Ballkani pësoi gol. Fredrik Ulvestad shënoi me goditje nga zona, pas një reagimi të zbehtë në mbrojtjen suharekase.

Por kjo nuk e dëshpëroi skuadrën e Ilir Dajës. Armend Thaqi, që ishte kapiten në këtë ndeshje, shënoi supergol në minutën e 20-të për rezultatin 1:1. Në minutën e 31-të ishte Arbër Potoku që shënoi nga afërsia për epërsinë 2:1 të Ballkanit. Për të asistoi Ermal Krasniqi.

Me rezultatin 2:1 përfundoi pjesa e parë.

Loja ishte e hapur edhe në të dytën, ndërsa Meriton Korenica konkretizoi aksionin model të Ballkanit, për rezultatin 3:1. Ai shënoi pas asistimit të Armend Thaqit në minutën e 66-të.

Më pas skuadra turke është hedhur në sulm. Ka ngushtuar rezultatin në minutën e 75-të, kur realizoi Erodgan Yesilyurt.

Turqit kanë insistuar për barazim dhe ndeshja u bë edhe e tensionuar. Në minutën e 91-të, Mustapha Yatabare shënoi për 3:3.

Por ky nuk ishte akti i fundit i dramës futbollistike. Në minutën e 94-t, Ermal Krasniqi shënoi për fitoren e madhe të Ballkanit. Fitoren historike edhe për futbollin kosovar në përgjithësi.

Ndonëse me mungesa, Ballkani ishte i trimëruar për ndeshjen me Sivassporin. Barazimi 1:1 me Clujin rumun në ndeshjen e parë dhe paraqitja e mirë ndaj Slavia Pragës në humbjen 3:2, ka bërë që Ballkani të udhëtoi me vetëbesim drejt Turqisë. Dhe prej atje kthehet me fitore që e fut fuqishëm në garë për kalim në raundin nokaut.

Ballkani ka kthyer epërsinë ndaj Sivassporit.

Për 4:3 ka shënuar Ermal Krasniqi në minutën e 94-t.

Ballkani po e lëshon nga dora fitoren ndaj Sivassporit. Kampioni kosovar ka pranuar gol në minutën e 91-të.

Sërish realizator ishte Erdogan Yesilyurt.

Tani rezultati është 3:3.

Sivasspori ka ngushtuar rezultatin në ndeshjen ndaj Ballkanit.

Golin e dytë për skuadrën turke e shënoi Erdogan Yesilyurt në minutën e 75-të.

Rezultati është 3:2 në të mirë të Ballkanit.

Ballkani ka shënuar edhe një tjetër supergol ndaj Sivassporit.

Ballkani prej minutës së 66-të po udhëheq 3:1.

Golashënues ishte Meriton Korenica, ndërsa bashkëveprimi me Armend Thaqin ishte mjeshtëror.

Pjesëloja e dyta ka nisur me shumë shanse, si nga Sivasspori që po tenton të barazojë rezultatin, ashtu nga Ballkani që po tregohet i rrezikshëm në kundërsulme.

Pas një ore loje, Ballkani po avancon në ndeshjen që po luhet në Turqi me rezultatin 2:1.

Ndonëse pranoi gol pas vetëm 32 sekondave, Ballkani është në epërsi pas pjesës së parë të ndeshjes ndaj Sivassporit. Ndeshja në Sivas të Turqisë i takon fazës grupore të Ligës së Konferencës.

Në minutën e parë vendasit shënuan përmes Fredrik Ulvestad. Në minutën e 20-të, Armend Thaqi shënoi supergol për të barazuar shifrat në 1:1. Ndërkohë për 2:1 shënoi Arbër Potoku në minutën e 31-të.

Ballkani po luan ndeshje të madhe në Turqi. Në minutën e 31-të, Ballkani ka kaluar në epërsi. Arbër Potoku ka shënuar nga afërsia, pas një asistimi të Ermal Krasniqit.

Ekipi kosovar kishte pësuar që në minutën e parë, por tashmë po udhëheq 2:1.

Armend Thaqi ka shënuar supergol për ta barazuar rezultatin në ndeshjen e Ballkanit ndaj Sivassporit.

Thaqi shënoi me goditje nga distanca në minutën e 20-të.

Ballkani e ka nisur shumë keq ndeshjen ndaj Sivassporit.

Skuadra turke ka kaluar në epërsi që në minutën e parë, saktësisht pas 32 sekondave.

Fredrik Ulvestad shënoi nga zona pas ndërhyrjes së zbehtë të mbrojtjes së Ballkanit.

GOLI:

https://streamja.com/20lqk?fbclid=IwAR3ECAG4AOszQcuxgsrMjXUzpVKB-HInfhdzec8sQoQ_BH5zdNlVtAXZoog

Është publikuar formacioni i Ballkanit për ndeshjen me Sivassporin, që zhvillohet nga ora 18.45.

Ballkanit i mungojnë lojtarë të rëndësishëm si Edvin Kuç, Nazmi Gripshi e Astrit Thaqi, që është i suspenduar.

Ilir Daja ka vendosur për formacionin 4-3-3.

© KOHA. Të gjitha të drejtat janë të rezervuara.