1 perditesime
22:43

Kroacia fiton dhe del në vendin e parë në grup

Kroacia e ka mposhtur Danimarkën për të dalë në vendin e parë në Grupin 1 të Ligës A të Ligës së Kombeve. Të enjten mbrëma në Zagreb, Kroacia fitoi 2:1 ndaj danezëve.

Tani Kroacia udhëheq në grup me 10 pikë, një më shumë se Danimarka. Franca është e treta me pesë pikë, ndërsa Austria është e fundit me katër pikë.

Borna Sosa shënoi për 1:0 në të mirë të Kroacisë në minutën e 49-të. Rezultatin në 1:1 e barazoi Christian Eriksen me supergolin e minutës së 77-të. Vetëm dy minuta më vonë, Lovro Majer shënoi gol po ashtu të bukur për fitoren 2:1 të kroatëve.

Pas tri ditësh, Austria e pret Kroacinë, ndërsa Danimarka e pret Francën. Janë ndeshjet e fundit. I pari në grup kalon në finalet e Ligës së Kombeve, ndërsa i fundit bie në Ligën B për edicionin e ardhshëm.

22:42

Tjetër supergol në Ligën e Kombeve, realizon Eriksen

Danimarka ka barazuar përkohësisht rezultatin në 1:1 në ndeshjen ndaj Kroacisë në Zagreb. Është Christian Eriksen që ka shënuar supergol në minutën e 77-të.

Por menjëherë në minutën e 79-të, Lovro Majer shënoi për epërsinë 2:1 të Kroacisë.