Luka Donçiq shkëlqeu në fitoren që Sllovenia e shënoi ndaj Belgjikës në “Eurobasket” të shtunën.
Sllovenia fitoi me rezultatin 88:72 dhe ka kaluar në çerekfinale të Evropianit të basketbollit. Tani do të luajë me fituesin e duelit mes Ukrainës dhe Polonisë.
Vendimtare në këtë fitore ishte periudha e katërt, ku sllovenët realizuan seri prej 19:1.
Kampionia në fuqi e Evropianit, Sllovenia, u udhëhoq nga Donçiq dhe ylli tjetër i ligës NBA, Goran Dragiq.
Donçiqi ishte më i miri me 35 pikë, pesë kërcime e pesë asistime.
Te Belgjika, më i dalluari ishte Manu Lecomte, që shënoi 16 pikë, katër kërcime e dy asistime.
