Skuadra e Ballkanit e ka kryer të mërkurën stërvitjen e fundit një ditë para ndeshjes kundër Shkupit.
Futbollistët e ekipit kampion të Kosovës janë stërvitur në fushën e stadiumit “Todor Proeski” në Shkup, aty ku do të luhet ndeshja.
“Skuadra jonë sot ka arritur në Maqedoni, për ndeshjen kundër FC Shkupit. Stërvitjen e fundit e zhvilluam pasditen e të sotmes në stadiumin ku do të zhvillohet ndeshja”, shkruan në njoftimin e vonshëm të Ballkanit në “Facebook”.
Ndeshja e parë ndeshjet Shkupit dhe Ballkanit zhvillohet te enjten prej orës 21:00 në kuadër të plejofit të Ligës së Konferencës.
Kurse me 25 gusht, luhet dueli i kthimit në Prishtinë, ku edhe do të përcaktohet ekipi që kalon në fazën e grupeve të Ligës së Konferencës.
-
17 gusht 2022 23:15
-
Shpërndaje në: