3 perditesime
19:12

Gjilani me fitore të madhe ndaj Ferizajt

Fitore të madhe ka shënuar skuadra e Gjilanit në minutën e fundit të ndeshjes. Gjilani të shtunën triumfoi ndaj Ferizajt me rezultatin 3:2 në stadiumin me bar sintetik. Ishte ndeshja e parë e sezonit të ri të Superligës.

Mevlan Zeka i dha avantazhin vendësve në minutën e 24-t pas harkimit të Përparim Islamit.

Megjithatë, në minutën e 35-të, Ramush Ramadani i barazoi shifrat pas gjuajtjes së saktë nga afërsia.

Betim Haxhimusa i dha avantazhin vizitorëve në minutën e 49-të pasi shënoi me kokë nga afërsia.

Fitoren Gjilani e siguroi prej minutës së 84-t. Zëvendësuesi dhe transferimi i ri, Theophilus Solomon, realizoi për barazimin e shifrave, e më pas me kokë në minutën e tretë të kohës shtesë, vulosi çështjen e fituesit të takimit.

Në xhiron e dytë, Gjilani e pret Malishevën, kurse Ferizaj do të jetë nikoqir i Prishtinës.

18:24

Ferizaj po e befason Gjilanin

Katër minuta me të filluar pjesa e dytë e ndeshjes Gjilani – Ferizaj që po luhet në stadiumin me bar sintetik në Gjilan, mysafirët e kanë shënuar edhe golin e dytë dhe të epërsisë.

Betim Haxhimusa ishte realizator i golit të dytë për ekipin e tij.

Ferizaj po fiton 2:1.

Është ndeshje e xhiros së parë të edicionit të ri të Superligës së Kosovës në futboll.

17:48

Ramadani barazon shifrat në Gjilan

Ramush Ramadani ka shënuar për skuadrën e Ferizajt në stadiumin me bar sintetik në Gjilan, kundër Gjilanit. Tani rezultati është 1:1.

Skuadra që siguroi Superligën e Kosovës në futboll sivjet, shënoi në minutën e 35-të nga afërsia.

Ai fitoi duelin e shpejtësisë me një kundërshtar dhe realizoi me gjuajtje të saktë.

17:35

Gjilani po avancon ndaj Ferizajt

Gjilani ka shënuar golin e epërsisë ndaj skuadrës së Ferizajt të promovuar sivjet në elitën e futbollit të Kosovës.

Gjilani të shtunën në stadiumin me bar sintetik në Gjilan, kaloi në epërsi në minutën e 24-t, falë golit të shënuar nga Mevlan Zeka.

Zeka që u transferua nga Ballkani në afatin kalimtar të verës, shënoi me kokë pas harkimit të transferimit tjetër, Përparim Islami, nga krahu i djathtë.