Sport

City pas Lodit

Manchester City ka shprehur interesim për mbrojtësin e Atletico Madridit, Renan Lodi raporton “The Telegraph” të premten.

Lodi që luan në krahun e majtë të mbrojtjes, po pëlqehet nga trajneri i Cityt, Pep Guardiola, që po insiston në transferimin e tij.

Mësohet se City ka kontaktuar ekipin spanjoll dhe ka ofruar 30 milionë euro për ta bindur në lirimin e brazilianit. 24-vjeçari është pjesë e Atleticos prej vitit 2019 dhe ka kontratë deri në vitin 2025.

Sezonin e shkuar, Lodi pati katër gola e po aq asistime në 40 paraqitje për Atleticon në të gjitha garat.