Arianit Ferati ka asistuar një gol për Fortuna Sittardin, por skuadra e tij nuk ka arritur ta evitojë humbjen në shtëpi nga Ajaxi të shtunën.
Fortuna u mposht 3:2 në kuadër të xhiros së parë të elitës së futbollit holandez.
Ferati asistoi golin e parë për Fortunan të shënuar nga Paul Gladon në minutën e 6-të. Ai luajti tërë ndeshjen dhe u ndëshkua me karton të verdhë. Golin e dytë për Fortunan e realizoi Burak Yilmaz në minutën e 87-të. Për Ajaxin realizuan Kenneth Taylor (48’), Devyne Rensch (51’) dhe Brian Brobbey (62’).
