Sport

Werderi e Schalke, gati për t’u dëshmuar në Bundesligë

 

Dy nga skuadrat më të mëdha dhe më të suksesshme në historinë e futbollit gjerman kthehen në Bundesligë këtë fundjavë, me gjigantët e rënë Werder Bremen dhe Schalke, të rikthyer në elitë pas një sezoni në nivelin e dytë, shkruan AFP, të premten. Bremeni ka fituar katër tituj të Bundesligës, së fundmi në vitin 2004 dhe gjashtë Kupa të Gjermanisë, e fundit në vitin 2009. Schalke e ka fituar ligën gjermane shtatë herë, më e fundit në vitin 1958 dhe është pesë herë fitues i Kupës së Gjermanisë, duke e ngritur trofeun për herë të fundit në vitin 2011.

“Parasezoni ka përfunduar dhe tani është koha për të dhënë më të mirën në Bundesligë”, paralajmëroi trajneri i ri i Schalkes, Frank Kramer, përpara ndeshjes hapëse kundër Koelnit të dielën.