Sport

Gjilani në Letoni për “fund triumfues”

 

Gjilani e ka të qartë synimin për ndeshjen e kthimit të rundit të parë kualifikues të Ligës së Konferencës. Te skuadra gjilanase duan që të dalin triumfues nga stadiumi “Daugava” në Liepaja të Letonisë.

Të enjten nga ora 16:00 Gjilani takohet me skuadrën letoneze, Liepaja, të cilën para një javë e mposhti 1:0 në Prishtinë. Albert Dabiqaj kishte shënuar golin në pjesën e parë, por letonezët në fund të ndeshjes rreshtuan rastet në tentim të barazimit të rezultatit. Ndonëse ishin të rrezikshëm, lojtarët e Liepajas nuk konkretizuan dhe Gjilani mori fitore të vlefshme. Atë fitore skuadra gjilanase synon ta mbrojë në Letoni.