Klubi i Llapit ka përfituar 180 mijë euro nga shitja e Valmir Veliut te Gaziantepi, ndërsa ka mbajtur 15 % të kartonit të tij.
Kështu ka mësuar KOHA të dielën nga burime të afërta me lojtarin. Veliu 22-vjeçar, me skuadrën e elitës turke ka firmosur për tri vjet. Sulmuesi i krahut menjëherë të hënën i bashkohet skuadrës në stërvitje.
Gaziantepi në edicionin e fundit përfundoi i 15-ti në Superligën e Turqisë. Për Veliun vlerësohet hap i madh në karrierë.
