Elvis Rexhbeçaj ende nuk ka nisur stërvitjet me pjesën tjetër të skuadrës së Wolfsburgut.
“Wolfsburger Allgemeine” ka raportuar të enjten se mesfushori qendror, i cili luajti si i huazuar te Bochumi, po vuan nga një lëndim në muskul që e mori në fund të sezonit.
24-vjeçari aktualisht është duke punuar individualisht me trajnerin Michele Putaro.
Rexhbeçaj ka kontratë me skuadrën e Wolfsburgut deri në vitin 2023, por nuk dihet nëse do të vazhdojë të luajë për këtë ekip në sezonin tjetër.
Për Rexhbeçajn interesim ka shprehur Werder Bremeni, që sivjet siguroi rikthimin në Bundesligën gjermane.
