Mbrojtësi i krahut, holandezi Denzel Dumfries, pritet të largohet nga skuadra e Interit gjatë kësaj vere. “Calciomercato” të hënën ka raportuar se interesim për shërbimet e tij kanë shfaqur Manchester Unitedi dhe Bayern Muencheni.
Dy skuadrat janë gati të ofrojnë rreth 30 milionë euro për kartonin e 25-vjeçarit, i cili pati paraqitje të mira gjatë sezonit 2021/22 me fanellën e Interit. Në 45 paraqitje në të gjitha garat, Dumfries shënoi pesë gola dhe bëri shtatë asistime.
Ai ka kontratë deri në vitin 2025 me Interin, ekip të cilit iu bashkua vitin e shkuar nga PSV Eindhoveni.
