Sport

Vushtrria dhe Liria para duelit që ua jep mundësinë ta ëndërrojnë kthimin në Superligë

 

Trajneri Samuel Nikaj po synon ta kthejë edhe njëherë skuadrën e Vushtrrisë në Superligën e Kosovës në futboll. Herën e parë Nikaj e ktheu Vushtrrinë në elitë në vitin 2019 dhe po synon ta bëjë të njëjtën gjë edhe këtë vit.

Këtë herë rruga është më e vështirë për ekipin vushtrrias, i cili u mobilizua para fillimit të këtij edicioni dhe e ktheu trajnerin Nikaj. Në vitin 2019, Vushtrria u kthye direkt në elitë si kampione e Ligës së Parë, kurse këtë edicion është dy ndeshje larg arritjes së qëllimit të madh. Fillimisht do të përballet me Lirinë e Prizrenit në barazhin e Ligës së Parë. Nëse e fiton këtë duel, do të luajë në ndeshjen e barazhit për Superligë kundër ekipit që përfundon i teti në elitë. Se kush do të përfundojë i teti në Superligë do të mësohet të dielën kur luhet xhiroja e fundit.