Kristjan Asllani pritet të largohet nga Empoli në fund të edicionit. Pas paraqitjeve të mira në Serie A, interesim për mesfushorin shqiptar ka shprehur Interi.
Sipas “Tuttosport”, kampioni në fuqi i Italisë do të dërgojë një ofertë për Asllanin.
Interi do t’i ofrojë shërbimet e Lucien Agoumes, që është i huazuar te Bresti dhe një shumë parash për t’i siguruar shërbimet e Asllanit.
Kjo ofertë mund të pranohet nga skuadra e Empolit. 20-vjeçari këtë edicion ka bërë 15 paraqitje në Serie A. Ai tashmë është pjesë e përfaqësueses A të Shqipërisë.
