Jose Mourinho ka gjasa të mëdha të rikthehet në Premier League. Mediumet angleze kanë njoftuar të hënën se Mourinho është kandidati kryesor për ta zëvendësuar Rafael Benitezin në krye të skuadrës së Evertonit.
Benitez pritet të shkarkohet gjatë kësaj jave pas rezultateve të dobëta dhe Mourinho po shihet zgjidhja ideale nga drejtuesit e Evertonit.
Mourinho është trajner i Romës, ekip të cilin e mori para fillimit të këtij edicioni. Ai ka kontratë me Romën deri në vitin 2024 por nuk ka pasur rezultate të mira. Roma është e shtata në tabelë me 25 pikë, nëntë më pak se Atalanta që është në zonën e Ligës së Kampionëve. Mourinho në Angli ka qenë trajner i Chelseat dhe Tottenhamit.
